影片
電話號碼
98255987
營業時間
今日營業
12:00 - 02:00
星期一至五
12:00 - 02:00
星期六至日
11:00 - 02:00
公眾假期
11:00 - 02:00
以上資料只供參考, 請與餐廳確認詳情
-
網上訂座即將推出
今晚試咗屯門紅橋新開嘅價雅酒吧西餐廳”Lumos Restaurant & bar “. 餐廳三月中試業上星期日先至正式開幕，咁新一定要試吓同埋分享啦. 💡餐廳理念係提供優質食物讓大家享受優質生活. 店內裝修設計華麗高貴，好有品味. 店舖外用灰黑色主色內裏用上青藏色墨綠色做主調，配合大理雲石枱及水晶吊燈，旁邊有拱形酒櫃、調酒區及吧枱，感覺高尚不俗氣. 開放式廚房拉近廚師同食客距離增加親切感. 室內柔和燈光寬敞環境令人放鬆. 室外雅座令人無拘無束可與親友暢談歡聚. 餐牌設計亦典雅，但價格意外親民合理❣️主菜大概都係百多至二百元，扒類大概三百多至四五百元左右，性價比極具競爭力. 🤑人手落單唔用QR code配合高級感覺. 點菜後店員先奉上餐前麵包，烘焙至熱騰騰軟熟可口，可隨個人口味沾上牛油、黑醋及橄欖油. 飲品🍻🍷🥃選擇多，drinks menu 令人花多眼亂，今晚唔飲酒. 我地叫咗個椰子🥥忌廉同埋菊花桃茶，都好適合而家天氣飲. 桃茶🍑好香花果味解渴清涼. ⭐️燒老虎大蝦扒及意式蕃茄醬配扁意粉配BB菠菜🦐🍅🍝大隻開邊虎蝦炙燒至焦香，蝦身好爽身咬落啖啖肉，高質. 新鮮蕃茄清新配合醬汁酸酸地好開胃，幼身意粉彈牙,菠菜好腍. 成個菜式配搭得宜口味豐富. ⭐️澳洲封門牛柳🐄250g封門牛柳六七成熟，皮燒至焦香肉質粉紅鮮嫩肉味濃郁，脂肪不多肉質結實. 墊底薯蓉沾滿燒汁入口溶化. 露筍及薯仔沙律中和解膩. 埋單人均$300都唔使.咁靚裝食物又優質真係超抵. 順帶一提，餐廳每個星期三五六或者公眾假期晚上都會有live music🎶🎤🎹更有氣氛情調，慶祝生日紀念日夠體面得體. 可惜今晚太早到同早走無緣欣賞表演，下次一定要睇. 屯門終於有咁正嘅西餐仲要性價比咁高，區內朋友有口福. 而且門口及附近都多位泊車，區外朋友入嚟都好方便.
繼續閱讀
🚇交通：在景峰輕鐵站下車，沿樓梯到井財街，五分鐘到，對面是寵物美容店。🏠環境：灰藍色的門面，門口返有室外梳發座位三張，室內面積大，左邊是吧枱配搭拱形的酒櫃，非常亮眼又高檔；右邊是二至四人的青藏色梳發卡位，天花掛有大水晶球體燈；中間是灰黑色的大理石枱，整體有高級感及時尚。🤵🏻服務：人手下單，收取加一。🍽️午市：套餐包有餐包🥖、沙律🥗或餐湯🥣，另加$8配咖啡☕或茶🍵。🥖是日餐包+餐湯🥣+沙律🥗餐包配有黑醋汁和橄欖油，外脆內軟；餐湯是🍄菇菌，味道濃郁之餘🥰，有粒粒菇的口感；沙律很新鮮爽口。🐤法式寶雲酥雞扒伴自家製黑咖哩飯🍛 $78💁🏻♀️寶雲酥是法國南部一種最傳統的焗羊架方法，在烤羊架面層塗上芥末醬、麵包糠和香草來焗香，從而增加層次感，在法國餐廳是常有的菜式。香港的西餐將🐑羊扒換了雞扒🐤，沒了🐑羊的肉羶味，倒是不錯的選擇，皮脆而香口🤤，肉質不柴口，黑咖哩則是加了墨汁😙，而比平時的咖哩更鹹些，用來拌飯一流，如果能帶點辣就更好。🐮坑烤紐西蘭一級肉眼扒🥩(200克)配蔬菜🍅及法式薯條🍟 $158點了五成熟，😍坑紋深而吸引，淋上香草牛油，加添香氣，😋肉質很軟韌而帶少許筋，肉味濃郁，點上燒汁更惹味，配有🧅洋蔥和蔥花的🥔薯蓉，感到很清新。☕咖啡 (熱/冷) $8/杯我和朋友都點了齋啡☕，想提提神😗，不會過於苦澀。
繼續閱讀
原來屯門都有咁靚嘅餐廳🤩！咁近屋企🏡，要成日嚟食吓🤤～ 呢度裝修極靚✨，唔講以為係中環⛪️！我哋叫咗兩份坑烤紐西蘭一級肉眼牛扒🥩（200克）蔬菜配🍟薯條，超大份量，肉質優良，一口接一口停唔到😋！配🤎燒汁已經好好味，但係我叫埋💛Yellow Mastard，食牛扒梗要有嘅～前菜有🍞麵包、🥗沙律同埋🥣湯，麵包仲要係熱辣辣出爐添🔥！南瓜湯🎃亦好好味，要我單點我都會叫！👍🏻👍🏻
繼續閱讀
早排成日聽人哋講虹橋新開咗間好正嘅酒吧餐廳，LUMOS。就一於去試吓，環境真係好有氣氛每晚7:30都會有LiveMusic，另外啲嘢食都好唔錯喎🤪 食嘅期間都見出邊有好多人等位，小區西餐廳嚟講都算幾難得👏🏻牛油果三文魚他他粟米片 &128佢哋嘅牛油果醬同三文魚係一個好夾嘅配搭，食物好清新，再加埋粟米片食真係一個好開胃嘅前菜，都係一個好好嘅佐酒小食西班牙伊比利亞黑毛豬扒 $198我同朋友都一致覺得呢個豬扒幾好食😻，燒到啱啱好，食落去肉質軟腍 厚肉得來口感鬆化 很好呢~~燒虎蝦扒蕃茄茄醬扁意粉 $ 168酸甜嘅蕃茄醬底，再配兩隻虎蝦，蝦身身肉質彈牙。不過價錢有啲太進取，意粉份量真係有啲少。兩個人都唔夠share，如果多番啲份量就good呢☝🏻Why not Tuen MunDry Gin底，係一杯好啱女仔飲係甜口嘅Cocktail，容易入口🍸
繼續閱讀
間野做得幾高級都無用，連基本野都做唔好就點都講唔通，訂左枱準時到都可以無枱要啲客係條三十幾度既街蒸焗半個鐘都仲未有位，如果係咁你不如唔好搞有訂枱啦，黎到有位咪食囉，真係唔該搞好呢啲野先學人開鋪啦，又要無服務又要扮高級，開都開左幾個月仲要犯呢啲錯，個所謂老唔知係咪老闆既老闆係到行黎行去擺款咁，都唔知做乜，最好笑係你戴隻貴錶同我隻錶啲時間會唔同嫁咩，仲可以笑笑口咁，連對客都未識，繼續留係鋪入面嬉戲下咪算囉，出嚟獻醜做咩丫，所以一定唔會介紹人同再去見識
繼續閱讀
您可能會有興趣的...