Video
Telephone
+853 2893 9181
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
好味道中午的行政套餐有十款八款揀，好有選擇困難症添！揀咗香芒汁燴海鲜配飯（可配意粉），好有夏日風味！芒果汁新鮮芒果做的，食得出仲加咗少少橙汁，伴碟嘅芒果肉冇煮過，好甜好香，有驚喜！D海鮮有魷魚、青口、蝦、蟹柳、魚柳，面頭酒了些香草，同芒果汁都幾夾！跟餐仲有薯茸青菜湯同即磨咖啡，$78，算物有所值！這個餐不錯，下次試另一款！
continue reading
呢間餐廳開業只有四個月, 因為位置極穩秘,所以都唔多人... 位置響7A碼頭, 即肥牛火鍋個島既對角... 響河邊新街會見到好光既招牌門面裝修都好別緻內裏雖然只得20個位, 但係好有悠閒舒服既感覺平日都有 $98 晚餐, 但近除夕只有貴價套餐或散叫, 唯有散叫吧... 價錢算中間先黎個粟米雜菌湯 $22菇味濃郁, 厚身但唔杰, 微微的奶油香, 飲得出係即煮作品, 並非一大煲筆上黎, 值得推介....非洲雞飯 $68質素麻麻, 先係貎相比較黑, 因為焗過黎但有點過火, 鮮黃色的雞油幾靚但不太受歡迎, 薯仔亦沒有炸過, 質感上雞扒內部都算嫩滑, 但外圍比較薄既地方則有點乾硬, 薯仔因為無炸過就不太香, 但也有份鮮味, 中和濃濃既醬汁, 醬汁就只有淡淡既咖喱香味... 意見亦表達左畀老細知, 佢承諾會作出改善, 會去我推介的餐廳試試參考...意大利咖啡 $16而佢引以為傲的便是以這杯咖啡, 唔好以為係CAPPUCINO有層厚厚的奶泡, 只係咖啡豆係黎自意大利, 咖啡味香濃但完全不酸不苦, 入口容易, 奶則是貴價貨, 畀我睇過係沖咖啡專用的牌子, 比一般淡奶既雙倍, 味道好香奶味和忌廉味, 而且仲有些微既椰汁味, 經過加熱後香味更濃, 不會減退咖啡既溫度, 誠意十足! 溝埋後入口順滑, 唔苦又帶點奶香, 完全無需落糖! 咁極品既咖啡都只係$16, 加上咁靚既環境, 來個下午茶係多麼的享受... 其實呢度最撚手的係馬休介炒飯, 據稱係招呼國家領導人宴客之作, 下次才去品嘗, 同時睇下非洲雞有否改善....
continue reading