Video
Payment Methods
Above information is for reference only. Please check details with the restaurant.
#澳門 #牛尾通 #下環街市熟食中心 #深度遊 #平靚正 #澳門搵食 @foodiehck2022 上次去完🇲🇴都唔夠十日，又想再去多次，係咩咁吸引我呢？就係依個係熟食中心既 #明記牛尾美食 牛尾通。到埗第一日已經去，之前睇到依間都幾出名，自己又想食，不過睇片介紹已經係幾年前，好彩仲係度😅去到時候大約中午十二點幾，唔算好多人，見到鋪面冇人，轉頭老闆娘係我後面出現！牛尾通$33澳門幣，係香港真係食唔到。湯底好濃夠晒味，係好香既番茄牛尾湯，而且唔會覺得好咸，最重要係老闆娘話唔夠湯可以再加❤️仲要係加到滿晒，真係超正👍牛尾最少有五大舊，仲有少少碎咗既，全部都好淋好入味，肉既部分都唔少。通粉都爽口彈牙，都真係回味無窮🤪依個地方仲有唔少好野食，一定會再去！
continue reading
讀書時期食到宜家的飯堂，價錢又夠貼地，下環熟食中心有分室內室外位坐，相信唔少人熟悉，半紀錄半介紹。（附上店面餐牌和價錢）🥄明記美食 3-06鋪牛尾通 ($28)明記牛尾湯底出曬名，一定叫番碗牛尾通食，成碗滿曬通粉同牛尾，炆到非常入味同淋身，好大舊而且肉部分又多，超足料的，牛尾湯味幾濃，帶微酸鮮蕃茄味，一羹通粉吸曬啲湯😋，連蘿蔔同蕃茄索曬湯汁味道，真係不得了！⭐️等候時間5-10分鐘仲有夾餅同香蕉糕平時都好多人會買！
continue reading
早前見飲食page有介紹這間，見到有香港冇既香蕉仔，而且雞蛋仔亦有好評，所以今次黎澳門特登過黎試下！去到既時候大約3pm，整個熟食中心既人不多。當我落單後，見店員拎了玻璃櫃預先整好凍左既香蕉仔同雞蛋仔放落鐵夾到翻熱.....!當時心知不妙....但已落單，無理由而家先取消...唯有硬食....大約兩分鐘後，兩底都"新鮮"翻熱好到手。兩底外皮都有少脆，勉強合格; 但食落... 就是"乾爭爭"既蛋糕。。。 雞蛋仔既蛋香亦不算突出； 香蕉仔聞落有香蕉清香，但食落味道亦不算出眾。。。最後，我地兩個人每底食左一半都無就掉了...與其要俾$15食一底翻熱後乾爭爭既蛋糕，我寧可在麵包店買$5紙包蛋糕回家用微波爐叮熱。當時既不是趕收舖時間、而且新鮮整一底既時間與翻熱時間差不多、少少蛋漿既金錢成本亦不見得很多，所以完全不明白點解寧願翻熱冰凍的都唔新鮮整一底給客人。。。賣雞蛋仔既人竟然連蛋類製品要新鮮整先好食既道理都唔明、連新鮮整俾客人都懶，可見得佢對 食物、食客、老闆、蛋漿既唔尊重。臨走既時候再次經過店舖，發現原來仲有一個老伯伯的，相信他才是老闆。咁唔知剛才的是其兒子還是普通店員.....當然我心諗:「如果我頭先遲d黎到，係伯伯幫我落單既話，結果會否不同...我食到既會不會就是新鮮熱辣辣既雞蛋仔與香蕉仔...?」但一切已太遲了。。。。
continue reading
牛尾通（＄20）睇個價錢，以為係罐頭牛尾湯整架啦，一整完，見到咁多舊牛尾同紅羅蔔，個心真係”嘩"左一聲出黎，無諗過咁平咁抵食！仲要係OK好味既！只係通粉偏稔（預先整定既通常都係咁），咁20蚊，唔可以要求五星級茶餐廳水準既！豬軟骨麵（＄18）同樣勁多舊豬軟骨，不過相比之下豬軟骨就普通左D，有D鞋，都係個句，18蚊咁足料，算係咁架喇！
continue reading
這也是下午茶時份才開門的小店，賣的是人見人愛的夾餅 ($6)，我見他已做起兩個，但老闆還是要我等等，因為要做過一個新鮮的給我，我樂了，不新鮮不脆的哪好吃？咬下去又脆又密，不會內裡空心，花生醬、煉奶都不吝嗇，而且我第一次見識沒半點燶邊的夾餅，老闆也沒拿過剪刀修剪，全個淡黃色很好看！最怕是照片拍多了，錯過了最脆口的時間，謹記！
continue reading