母親節又準備訂枱喇，好多媽媽都鍾意食中菜，但年年食小菜都會悶㗎。呢間中日火鍋「不倒翁中日火鍋料理」開業20年，有零味精手工湯底打邊爐；又有小菜、海鮮刺身。可以滿足長輩食中菜嘅心，又可以打埋邊爐真係一舉兩得呀。
零味精手工湯底好健康，人氣之選有羊肚菌文昌雞鍋、川芎白芷大魚頭鍋(新鮮)、銀杏枝竹胡椒豬肚鍋、香茜皮蛋鍋等。打邊爐前飲啖靚湯，長輩一定鍾意。
零味精手工湯底好健康，長輩一定鍾意。
【打邊爐推介】激多海鮮·刺身
打邊爐除咗個爐重要，食材都好緊要㗎。呢度會於全球引入高質食材，加拿大深水蚌、西澳龍蝦、美國安格斯牛頸脊、蘇格蘭蟶子等都係必食之選。
想抵價食好嘢，可以揀海鮮套餐只係$1,818有齊東星斑(原價$688)、加拿大象拔蚌刺身(原價$800/斤)、西澳龍蝦(原價$688)啦。游水東星斑原條厚切，用嚟打邊爐結實彈牙，深海魚真係唔同啲!!
成本價海鮮套餐！
原條東星斑用嚟打邊爐，再食埋象拔蚌同龍蝦刺身只需$1,818咋～ - 東星斑(原價$688) - 加拿大象拔蚌刺身($800/斤) - 西澳龍蝦(原價$688) |
店內魚缸好多游水海鮮。
成本價海鮮套餐$1,818有東星斑、加拿大象拔蚌刺身、西澳龍蝦，CP值好高!! 母親節哄吓媽媽就啱晒啦。
加拿大象拔蚌刺身，爽彈又重海水味。
西澳龍蝦刺身新鮮粉嫩，蘸啲Wasabi食好正。
「不倒翁中日火鍋料理」嘅肥牛係美國安格斯牛頸脊，大理石紋好靚～淥一淥趁熱食，真係有種化出油香嘅感覺，肉味仲好濃𠻹。
肥牛單點係手切安格斯肥牛船，大大碟一出場已經好有霸氣啦。平時揀「海鮮火鍋2人套餐$688」或「椰青文昌雞鍋2人套餐$888」都有碟安格斯手切肥牛(細)，份量唔少都幾抵食㗎。
美國安格斯牛頸脊船，大大碟一出場已經好有霸氣。
「海鮮火鍋2人套餐$688」或「椰青文昌雞鍋2人套餐$888」套餐均有美國安格斯牛頸脊(細)，其實份量都好多。
睇吓牛頸脊啲紋幾靚。
女士必食！大龍躉背鰭
原來大龍躉背鰭用嚟打邊爐好正!! 厚肉肥美，仲有豐富骨膠原順便滋補養顏呀。
大龍躉背鰭有豐富骨膠原，嗌畀媽媽養顏好貼心。
多款高質火鍋配料！
喺度打邊爐唔只有豐富海鮮，全店火鍋配料都好新鮮㗎，特別係牛骨髓、黃沙靚豬潤、鮮鵝腸等，出面好少火鍋店食到咁新鮮高質。仲有其他鮮甜海產—順德大魚頭(新鮮)、脆肉鯇骨腩片、桶蠔、咸淡水鱔片、桂花蚌拼珊瑚蚌等。
手打丸滑都好Q彈，推薦爽滑蟹籽蝦丸、手打魚滑、秘製靚蝦滑等。
多款火鍋配料、刺身，母親節飯局絕對有睇頭。
爽脆黑柏葉一啲都唔韌，有驚喜。
每日人手包嘅鎮店水餃皇，隻隻飽滿脹卜卜。餡料係滿滿鮮蝦、豬肉、木耳、粉絲，一咬落去真係爆餡。
每日人手包製鎮店水餃皇，每隻爆餡脹卜卜。
餡料係用新鮮蝦肉，皮薄彈牙。
【VIP房麻雀耍樂】
「不倒翁中日火鍋料理」係靚裝酒樓環境，好啱親朋好友傾偈耍樂。場內有2間12人VIP房、3間36人VIP房，4:00pm就可以畀房大家麻雀耍樂，有啲房仲係落地玻璃好開揚舒服㗎。
靚裝酒樓環境，好啱親朋好友傾偈耍樂。
有啲VIP房係落地玻璃，開揚舒服。4:00pm就可以畀房大家麻雀耍樂。
【即製手工點心】
「不倒翁中日火鍋料理」交通好方便，離佐敦港鐵站僅3分鐘路程；香港西九龍高鐵站都只係步行10分鐘，就算內地親友嚟飲茶、食飯都唔怕舟車勞頓。
11:00am-4:00pm係點心時段；下午茶由2:00pm開始。由點心師傅每日即場手製，燒賣、蝦餃全部足料飽滿。新鮮出爐叉燒包鬆軟輕甜，炸春卷、鹹水角炸到金黃香脆，完全無油膱味，真係比現成來貨點心吸引好多呀。
點心師傅每日即場手製點心，新鮮出爐特別好食。
蝦餃晶瑩皮薄，新鮮蝦肉好大隻。
即日手製燒賣，召喚一眾燒賣fans!!
叉燒包鬆軟多餡。
不倒翁中日火鍋料理
地址: 佐敦佐敦道23-29號新寶廣場2樓
電話: 35260918