Happy Friday，約了友人到了尖沙咀食飯，想食韓國菜，友人揀了hoo韓國包車，thank友人book位。裝潢以韓國布帳馬車為主題，牆身的落閘、天花上的霓虹燈、理髮店、漫畫店及洗衣店的佈置、恍如置身在韓國街頭之感，風味十足，打卡一流，除了裝潢及食物外，還有播放著KPOP，甚有氣氛。餐牌，韓國地道小食，都幾多選擇，某些食物係可揀全份或半份，好啱我地2個女子，都係QR Code落單。前菜，開胃爽口。朱古力啤酒，$58，質感順滑，隱約有少許朱古力味，唔太突出，甜甜的易入口。荔枝梳打，$38，友人的。街頭魚糕串串(半份)，$146。有5大串魚糕，鍋內仲有多款魚糕及白蘿蔔，付上即食麵，份量十分豐富，先試魚糕串，熱騰騰的魚糕，口感彈牙，湯底鮮甜，蘿蔔夠入味，好暖身。炸紫菜粉絲卷，$62。入口外酥脆內煙韌。芝士年糕，$86。芝士控，每次食韓國菜都差唔多必食，拉絲芝士份量十足，芝士味清淡溫和唔算好濃，年糕微熱口感煙韌。甜辣炸雞(半份)，$158，炸雞頗大件，口感香脆雞肉嫩，味道甜中帶辣，醒胃又惹味。

食物味道不俗，感覺地道風味，服務態度正常，把酒談歡之夜。

約了友人食飯，想平平地食，友人推介深水埗有間手工餃子店幾正，仲要有芝士蛋糕食!咁特別去一試。
平日晚上7點幾多去到已經好多人等位，果然受歡迎!等左差不多半個鐘有位。小小的店子，裝潢簡約。餐牌，有8款口味的餃子，係等位時已揀左4款開心Share。檸賓，跟餐+$6，大熱天時整杯檸賓，爽呀!湯餃(8隻)，40。要了雲耳椰菜豬肉餃及香菇粟米雞肉餃，餃子大粒飽滿，皮薄內餡足料，香菇粟米雞肉，味道鮮甜肉柔嫩，雲耳椰菜豬肉餃，口感清爽肉質鮮味，餃子好味，仲要配靚湯，個湯底係赤小豆粉葛湯，有湯水飲實在太正，健康又好飲。煎餃(8隻)，44，韭菜豬肉餃及洋葱豬肉餃，外皮薄口感香脆，韭菜豬肉餃，餡料豐富又香口，洋葱豬肉餃，洋葱爽口又惹味，好味。日式手作芝士蛋糕，$30，人氣之一必試下，據聞係日籍老闆娘製作的甜品，巴斯克芝士蛋糕，入口軟滑，有濃厚的芝士味，好味!

餃子好味，煎餃及湯餃都十分出色，個人比較上鐘意煎餃，芝士蛋糕都好食，服務幾好，老闆都好nice(見幾多街坊客幫襯)，下次有機要再戰。

晚飯後又想食甜品，難得有肚食又來到大角咀(平時真係好少來)，當然去轉3 CREPEs，出名的可麗餅，終於可以食了。 餐牌，主打抹茶，除了售賣可麗餅，仲有雪糕及飲品等。可麗餅有咸味及甜味，款色都幾多選擇，每款都好吸引，揀左陣先揀到。因為太受歡迎多人幫襯，製作時間約30分鐘，可留電話OK會打比我地，好方便，店員都好nice^_^~!
等待時睇左陣製作過程(個人幾喜歡睇人整甜品)，之後又兜左圈周圍行下，感覺上都好快有得食了。賣相實在太靚即打卡XD。焦糖吉士可麗餅，$48，人氣之選，見好多人試呢之下好奇一試，賣相有點似布甸，面層有薄脆，味道似焦糖燉蛋，外皮煙韌，內餡軟滑香甜，係幾好味，但個人感得都幾甜。抹茶紅豆白玉可麗餅，$48，友人的，人氣之選，賣相好吸引，日式的美感，試了少許，抹茶味濃郁，幾好味。

美味的可麗餅，賣相得又好食，價格合理，店員好親切，有機要再食。

Happy Friday又約了友人去食車仔麵，今次去大角咀食，話時話都幾耐冇踏足過呢個地方，同每次來到差唔多都係為左食XD，行下見到搶眼的霓虹招牌就知到了。 餐廳面積頗大，樓底高有空間感，裝潢以灰色為主調，風格戴點型格(有點似韓風@_@)，牆上壁畫及獅子山有港式之感。 餐牌，都幾多選擇，見到人氣的滷水腩肉及豬手好吸引即試下。凍咖啡，跟餐+$9，味道不俗。
凍檸茶，跟餐+$9，友人的。 自選車仔麵:滷水腩肉($14)、滷水豬手($14)、滷水豬大腸($12)豬紅($12)及幼麵($10)配花生沙嗲汁，合共$62。
又腩肉又豬手十分豐富，花生沙嗲汁另上果下幾好，想幾濃味自己調，花生沙嗲味道濃郁惹味，幼麵爽口，滷水腩肉肥瘦層次分明，肉質鬆化又香口，滷水豬手大件，入口彈牙好入味，豬大腸口感軟韌夠入味鹹香，豬紅爽滑，份量適中。 自選車仔麵:秘制牛腩($14)、秘制金錢肚($14)、滷水溏心蛋($12)、午餐肉($10)、通菜($10)、響鈴($10)及米粉($10)配清湯，合共$80。
友人的，有溏心蛋之下賣相有點日式之感，試了牛腩及金錢肚，牛腩入味軟腍，金錢肚口感柔軟有嚼勁。炸玉子豆腐，$28，口感外脆內軟。

食物味道不俗，好滿足的車仔麵。

假日係觀塘海蝦後順便食晚飯，諗唔到食咩又落雨係商場行下，見到德美壽司，見餐牌晚市價格都合理，一於係到醫肚。餐廳面積頗大，裝潢以木系為主調，日式的設計，感覺柔和溫暖。餐牌，晚市定食。便當三段，$92，有刺身、炸雞及牛肉烏冬，配味噌湯、沙律及甜品，十分豐富。刺身有兩片三文魚及兩片油甘魚，厚切大件，都幾鮮味，玉子軟滑香甜。炸雞有4件，夠熱，外脆雞肉滑，伴上醬汁食更美味。牛肉烏冬，熱騰騰的牛肉烏冬，牛肉份量頗多，烏冬滑溜，正常水準。有小甜品，泡芙，滿足下。

食物味道不俗，坐得舒適，價格合理，服務態度有禮又親切(今時今日好難得><)，冷雨夜，係一個坐得舒適的店子慢慢享用晚餐，倍感溫暖。

Happy Friday，同友人去葵廣行街順便食飯，諗返大家好耐冇食過車仔麵，想起孖寶，以前行街成日經都冇幫襯過，趁今次試下了。食飯時段7點幾去到，好多人但都好快有位。發現了本秘笈。係餐牌來，餸有好多選擇，咩都想食麵揀左一陣，除左車仔麵，仲有腸粉、小食及其他粉麵，好多選擇呢。凍咖啡，跟餐+$3，正常味道，天氣熱飲好爽。 3餸麵，$52，豬大腸、雞中翼及牛腩配油麵，湯底要了腩汁，最正係個麵付上幾片生菜果下正，味道濃郁，油麵爽彈份量適中，豬大腸份量頗多，口感軟柔不韌，味道香口，幾好食，牛腩鬆軟入味，雞中翼肉質滑，夠入味。3餸麵，$52，菜肉雲吞、牛肚及蘿蔔配米粉。

食物味道不俗，價格合理，唔怪得深受歡迎。

4月之星弟生日飯，推介到粉嶺食放題，據聞係抵食，就一於去試下，午市放題，每位$188，任食2小時(12:00-14:00)，個店面真係唔似餐廳行過左XD。小小的店子，睇落都幾密集，我地3人坐卡，坐位反而幾闊落。都係QR code落單。先來個刺身，要了三文魚、希靈魚、帶子、甜蝦及泰式生蝦等，唔算好鮮味，普通水準。澳洲和牛粒，一客，口感軟腍。味噌廣島蠔，有幾粒蠔，仲要幾大粒飽滿，幾好味。花之戀，細細件都OK唔太飽，香蔥拖羅軍艦，味道正常。海膽壽司，海膽少許腥。
黑松露燒帶子壽司，賣相一般，帶子冇乜味。燒牛肉壽司，牛肉味都幾香口。清酒煮蜆，蜆肉飽滿，少許酒味。飲品多數係罐裝，見有清酒又想飲下。生蠔，需要20-25分鐘上菜，一開始即落單預而加先上，生蠔偏薄身，咸味重少許鮮。鐵板黑椒牛舌，份量頗多，賣相一般，口感柔軟富彈性，冇乜味。香草燒羊架，賣相一般，肉質太熟但都香口，少許羶味。北海燒帆立貝，帆立貝唔算好大粒，味道普通。鐵板地獄炒蜆，份量頗多，蜆肉飽滿，香辣惹味。鮮蝦花甲粥，粥底都幾鮮甜，味道不俗。鮮蝦花甲粥，粥底都幾鮮甜，味道不俗。烏冬。鹽燒多春魚及海蝦，都香口，正常水準。吉列炸蠔，口感酥脆，蠔肉唔算肥但蠔味濃。
榴槤炸彈，入面是榴槤蓉味道濃郁,口感煙韌。天婦羅-海蝦、南瓜，油左少許。
紫心香芋丸，唔算太有香芋味，味道普通。奶黃流沙年糕，入口煙韌，內有澎湃的奶黃流沙，味道不俗。芝士年糕，正常水準。青檸啫喱及水蜜桃茶凍，選擇唔多，啫喱及果凍。

食物味道普通，上菜都算幾快，價格算合理，感覺似街坊放題，服務態度正常。

晚飯後周圍行下，天氣太熱有點口喝，經過小黑糖，即想買杯野飲。 飲品有好多選擇，諗左陣先揀到。白鬍子芝士奶蓋伯爵紅茶，$32。
要了少冰，半糖，瘦高杯，感覺份量偏少，但啱我(因成日買茶飲都飲唔晒)，杯上的水果圖案有著小清新之感，芝士奶蓋，份量適中，芝士味鹹香微甜，口感順滑但唔夠濃稠，伯爵茶味道清香，幾啱夏天飲。小黑糖珍珠厚鮮奶，$35，友人的，本物想飲呢個，但太飽揀左其他。
味道正常水準，就夏天，又係狂幫襯茶飲店的時候呢。

又是每月一餐的時候，Happy Friday，又好耐冇見，大家食好啲，友人揀左大公館/大公別館，中菜館，見好多人食小菜，但比手工火鍋吸引，一於齊齊打邊爐。
門面，灰磚牆及紅門，中式之感。內堂面積頗大，裝潢古色古香之中帶有西式的風格，中西合璧，設有多間貴賓房，我地入其中一間，感覺雅緻，設有酒吧位，有空間感，坐得舒適。 混醬又出現~都幾多款。
油碟每位，$15。茶芥每位，$23。 餐牌，初到貴境，就試下滋補養生的花膠濃湯雞鍋，及人氣推介。陳皮化梅梳打(瓶)，$88，酸酸甜甜清爽之感。花膠濃湯雞鍋，$298。金黃色的湯底，湯頭味道濃郁鮮甜，花膠爽滑，十分足料!鮮雞，肉質嫩滑。本地新鮮牛肉-牛頸脊，$268，肉質鮮嫩，口感爽滑牛味濃，美味。西班牙黑毛豬腩片，$208，擺盤精緻的玫瑰，黑毛豬腩片口感軟滑，味道甘香。 招牌四寶丸，$128，自家製，有8粒共4款口味，脆骨烏雞丸、XO醬豬肉丸、芫荽牛肉丸及芝心墨魚丸，試了脆骨烏雞丸，口感札實，有粒粒的脆骨，都幾美味。新鮮紫淮山，$48，個賣相好靚，口感黏滑鲜爽。台灣鴨血，$58，口感滑溜。手打魚腐，$48，好大粒圓碌碌的手打魚腐，因為錄得太耐好大粒，食落口感軟腍得有點似梳乎厘。千層枝竹，$48， 味道濃厚，甘苦帶甜。即炸響鈴，$42，必食，十分吸湯。鮑魚雞粒餃，$68，餡料十足。 順德魚麵，$68，魚麵粗身，彈牙又爽口，鮮香味郁，都幾飽肚。和牛雪葩，$58，煙霧瀰漫恍如仙境好夢幻，但煙務持續左好耐www~雪葩賣相堅好似和牛，好精緻!而味道，係回憶嘅味道，似士多啤梨藥水味= ="，打卡一流，味道一般。流心南瓜球，$45，賣相好可愛，外酥脆內煙韌，內餡是流心蛋黃，味道香甜。

餐廳不論裝潢及食物味道都頗為出色，賣相精緻，服務態度有禮，價格略貴，但可接受，聚餐之選呢。

!最近的人氣Buffet，見到介紹個Tea Buffet食物吸引價錢幾抵即想試下，Tea Buffet每位$248，有95折，即係$235.6，用餐時間14:30-16:15。
餐廳位於帝都酒店，但唔係帝都酒店旗下，據網上簡介酒店舖位只係租出左比Mr.Steak同集團的柏麗廳，唔怪得個畫畫心太軟咁世貿果間feel，同知道係Mr.Steak後即想試下牛www。自助餐的收費。廳面積頗大，裝潢配色感覺柔和，綠色植物的佈置有著清新之感，坐的是梳化椅，亦有卡位，位子闊絡感覺舒適自在。即睇下有咩食，冷盤。刺身。飲品，有凍茶及咖啡等。熱盤。美國燒牛肉。美國極黑和牛壽喜燒，必食。多款口味雪糕。心太軟位置，傳情達意-可寫紙比廚師，廚師會在碟上寫紙及畫公仔，果碟就係自己的心太軟。即叫即制心太軟出爐。甜品位置。三文魚、立魚及醋青魚，三文魚正常水準，立魚一般，醋青魚味道普通。蝦、青口，翡翠螺及蜆，螺肉大粒，口感彈牙，味道鮮甜，其他正常水準。沙律，八爪魚、螺肉及白雲鳳爪等，講起來都好耐冇食過呢款八爪魚，白雲鳳爪酸酸地軟腍醒胃。美國極黑和牛壽喜燒，必食之選，好彩又唔係好多人排隊，湯底香甜濃郁，和牛大片肉質軟嫩，味道甘香肉味濃厚，美味!
真係要拎多幾轉。
燒牛肉，肉質有點韌，肉味淡。
章魚燒、小籠包、Pizza，有小籠包都幾正，味道普通。太鍾意芝士。好耐冇飲過湯水。心太軟，拎返自己果碟呢下幾好玩，畫圖十分有心思!心太軟，切開蛋糕,朱古力漿澎湃的湧出來,朱古力味濃郁口感豐富,好味呀。牛奶雲呢拿及蜜瓜雪糕，似乎係阿波羅。菲林卷、奶油筒及大菜糕，港式懷舊甜點，情懷之下想試，奶油筒腍左>_<，大菜糕及菲林卷味道正常，大福、tiramisu、海綿蛋糕等，水準普通。

食物味道正常水準，心太軟及壽喜燒好味必食，服務幾好，坐得舒服，都算抵食呢。